Fermandarê Giştî yê Hêzên Sûriya Demokratîk (QSD) Mezlûm Ebdî 11’ê Cotmehê di hevpeyvînekê li gel Ronahî Tv de ragihandibû ku şandeyeke leşkerî û ewlehiyê dê di demeke nêzîk de biçe Şamê.
Şandeya leşkerî û ewlehiyê duh êvarê çû Şamê
Şandeya leşkerî û ewlehiyê ji Bakur û Rojhilatê Sûriyê ya ku Fermandarê Giştî yê QSD`ê Mezlûm Ebdî gotibû ku dê biçe ji bo hevdîtina bi Hikûmeta Veguhêz re bike, duh êvarê çûbû Şamê.
Şandeya ku duh çibû Şamê ji van kesan pêk tê:
“Fermandariya Giştî ya QSD’ê Sozdar Hacî û Sîpan Hemo, berdevkê QSD’ê Ebcer Dawud û ji fermandarên QSD’ê Şakir Ereb, ji fermandarên Hêzên Ewlekariya Hundirîn Dilêr Hisên Temo, Elî Xidir El Hesen, Mistefa Mehmûd Delî, Aho Êlyo Lehdo, cîgira hevserokên Desteya Hundirîn a Bakur û Rojhilatê Sûriyê Arîn Mistefa.”
Ev şande ji nûnerên hêzên leşkerî û Asayîşê pêktê.
Hate gotin ku şandeya ku Fermandariya Giştî ya QSD’ê Sozdar Hacî û Sîpan Hemo, berdevkê QSD’ê Ebcer Dawud û ji fermandarên QSD’ê Şakir Ereb pêk dihat bi Wezîrê Parastina Hikûmeta Veguhez re civiyane.
Şandeya ewlehiyê bi wezîrê karên hundir ê Hikumeta Veguhêz re civiya
Li aliyekî din jî şandeya ewlehiyê ku ji fermandarên Hêzên Ewlekariya Hundirîn Dilêr Hisên Temo, Elî Xidir El Hesen, Mistefa Mehmûd Delî, Aho Êlyo Lehdo, cîgira hevserokên Desteya Hundirîn a Bakur û Rojhilatê Sûriyê Arîn Mistefa pêk tê, bi wezîrê karên hundir ê Hikûmeta Veguhêz Enes Xetab re civiyan.
Civîna şandeya leşkerî û ewlehî erênî derbas bû
Li gor ajansa Hawarê civîn bi dawî bûye, naveroka civînê pêkanîna Peymana 10ê Adarê bû û civîn erênî derbas bûye.
