Di civînê de rewşa giştî ya Serê Kaniyê û gundewarê wê, rewşa koçberan, mekanîzmeyên birêxistinkirina vegerê hatin gotûbêjkirin.
Mazlûm Ebdî diyar kir ku li gorî wan dosyaya koçberên Serê Kaniyê di tevahî civînên wan ên bi aliyên eleqedar re tên nîqaşkirin.
Her wiha Ebdî da zanîn ku bi awayekî berdewam xebat ji bo misogerkirina vegera şêniyên Serê Kaniyê bo bajar û gundewarên wan bi awayekî ewle û bi rûmet bêyî tu xeteriyan tê kirin.
Di dawiya civînê de hat lihevkirin ku di demên pêş de xebateke hevbeş di navbera komîteya koçberên Serê Kaniyê û tevahî aliyên eleqedar de bê kirin.
