Îro malbatên dîlgirtiyan ên li bajarê Qamişloyê, bi çalakiyekê daxwaza berdana zarokên xwe kirin.
Gelek malbatên şervanên QSD'ê, ku zarokên wan ji hêla Hikûmeta Veguhêz a Sûriyê ve hatine dîlgirtin û hîna nehatine berdan, çalakiyeke protestokirinê li dar xistin.
Malbatan bi rakirina wêneyên zarokên xwe û ji bo daxwaza berdana wan, li Çerxerêya Osman Sebrî ya Qamişloyê çalakiyek li dar xistin.
Di çalakiyê de dirûşmeyên “Em dîlgirtiyên xwe dixwazin” û “Bi can bi xwîn em bi te re ne ey dîlgirtî” berz kirin.
Di çarçoveya Peymana 29`ê çileyê de, hêzên Hikûmeta Veguhêz a Sûriyê 800 dîlgirtî berdan û QSD`ê jî 491 dîlgirtî berdan.
Hêjayî bîrxistinê ye ku ji bo berdana koma çaremîn a dîlgirtiyan amadekarî tê kirin.
