Li gorî medyaya Îranê, Berdevka hikûmeta Îranê Fatime Muhaceranî di hevpeyvînekê de bi ajansa nûçeyan a RIA Novosti ya Rûsyayê re, roja sêşemê wiha got:
"Yek ji mijarên ku şandeya me ya dan û standinan wê dişopîne û di hevdîtinên li Îslamabadê de jî hat şopandin, mijara tazmînatên şer e.
Carinan divê ziyan di çend tebeqeyan de werin lêkolînkirin û ziyana Îranê ji êrîşên Amerîka û Îsraîlê niha bi qasî 270 milyar dolarî tê texmînkirin."
Di şerê 40 rojî yê di navbera Amerîka-Îsraîl û Îranê de, gelek navendên leşkerî û ewlehiyê yên Îranê hatine armancgirtin.
Her wiha li gorî ku artêşên Amerîka û Îsraîlê ragihandine, êrîşên li ser Îranê zêdetirî 16,000 hedef di nav xwe de girtine.
Di vî şerî de, binesaziya Îranê, di nav de kargehên pola, kompleksên petroşîmyayî yên Mahşehr û Eslûwîyeyê û her wiha pir jî hatine armancgirtin.
