Îro li Macaristanê 8 milyon dengdêr ji bo ku serokwezîrê xwe yê nû hilbijêrin çûn ser sindoqan.
Li gorî rapirsiyên di der barê rewşa dawî ya desthilata Viktor Orban taybet jî ji ber rewşa aloz ya aborî û siyasî ya Macaristanê îhtîmala têkçûna Orban derxistiye holê.
Vê hilbijartinê hem Rûsya û hem Koşka Spî jî kiriye fikarê.
Hin alî jî îhtîmala têkçûna Orban bi pergala wî ve girêdidin.
Viktor Orban, gumanbarekî neteweyî di YE'yê de ye, modêlek ji tiştê ku wekî "demokrasiya nelîberal" tê zanîn, çêkiriye.
Ev modêl wekî xaleke referansê ji bo tevgera "Make America Great Again" tê dîtin, ku ji hêla Serokê DYA'yê Donald Trump û heyranên wê li Ewropayê ve tê pejirandin.
Piştî sê salan ji lawazbûna aborî, zêdebûna lêçûnên jiyanê û raportên nîşan didin ku karsazên bi bandor ên nêzîkî hikûmetê her ku diçe dewlemendtir dibin.
Ev polîtîk û encamên ku derketine, bûn sedem ku Macaristanî ji Serokwezîr Viktor Orban ê 62 salî bêhtir aciz bibin.
Anketên raya giştî nîşan didin ku partiya Fidesz a ku Viktor Orban birêve dibe ji partiya muxalefeta navendî ya rastgir Tesa ya ku ji hêla Peter Magar ve tê rêvebirin, bi heft heta neh xalan li paş e.
Tessa piştgiriya nêzîkî ji sedî 38 heta 41 wergirt.
Anketvanan pêşbînî kirin ku rêjeya beşdarbûna dengdêran wê bilind be û daneyên di saet 11:00 GMT de nîşan dan ku ji sedî 54 zêdetir ji dengdêrên mafdar dengê xwe dane.
Her wiha Anketvanan da zanîn ku ev rêje di hilbijartinên 2022'yan de ji sedî 40 bû.
Di heman demê de, dîmenên televîzyonê li derveyî hin navendên dengdanê yên li paytexta Macaristanê Budapeştê rêzên dirêj nîşan dan.
Piştî ku xelkên paytexta Macaristanê dengên xwe dan, Peter Magar got ku Macar wê dîrokê binivîsîne, ji ber ku ew "di navbera Rojhilat û Rojava de hilbijartinan" dikin.
Her wiha Meger ji dengdêran xwest ku her bêserûberiyekê ragihînin.
Viktor Orban hilbijartin wekî hilbijartinek di navbera "şer û aştiyê" de bi nav kir.
Di dema kampanyayê de, hikûmeta welêt bi posterên ku hişyariyê didin ku Magar û serokê Tesa, wê Macaristanê bikişînin nava şerê Rûsya bi Ûkraynayê , tawanek ku ew bi tundî red dike, tijî kir.
Orban piştî dengdanê got: "Ez li vir im ku bi ser bikevim."
Navenda dengdanê di saet 7'ê êvarê de hat girtin.
Encamên destpêkê û qismî wê şeva Yekşemê dereng derkevin
Lê dema ragihandina encamên dawî û fermî dibe ku çend rojan bidome, piştî ku hemî îtîraz û dengên derveyî welêt werin nirxandin.
Macaristan weke welatekî li dilê Ewropaya Navîn e, pergalek hilbijartinê ya tevlihev bikar tîne, ku dengdana ji bo namzetên takekesî li navçeyan bi dengdana ji bo lîsteyên partiyan li ser asta neteweyî dike yek.
