Berdevkê wezareta berevaniya Îraqê, Lîwa Yehya Resûl ragihand ku fermandarê artêşa Îraqê tevî serokên desteyên artêşa Urdun û Sûriyeyê, her weha ligel wezîrê karên Pêşmerge û serokê artêşa Pêşmerge yên Hikûmeta Başûrê Kurdistanê, civîneke ewlekariyê ya girîng li dar xistin.
Berpirsan li ser rûbirûbûna metirsiyên sînorbir (ezmanî û bejayî), pevguhertina agahiyên îstîxbaratî û bilindkirina amadebaşiya leşkerî ya hevpar li hev kirin. Li aliyê din, fermandarê artêşa Îraqê li ser babetên ewlekariyê yên herêmî ligel fermandarê Fermandariya Navendî ya Amerîkayê (CENTCOM) jî hevdîtinek pêk anî.
