Li gorî Çavdêriya Mafên Mirovan ya Sûriyê, ji ber teqîna mayînekê li gundê El-Kuzliya yê girêdayî bajarokê Til Temrê, sivîlekî jiyana xwe ji dest da.
Gundê El-Kuzliya, li ser rêya navneteweyî ya M4 li gundewarê Hesekê dikeve.
Li gorî agahiyên ku ji aliyê Çavdêriya Mafên Mirovan ya Sûriyê ve hatine wergirtin, ev kes beriya demekê ji koçberiyê vegeriyaye gundê xwe.
Bi vî awayî, hejmara sivîlên ku ji destpêka sala 2026'an û vir ve hatine kuştin, gihîşt 101 kesan, di nav wan de 31 zarok û 7 jin hene.
Her wiha 111 kes birîndar bûne ji wan 67 mêr, 43 zarok û jinek in.
