Navenda Ragihandinê ya Hêzên Ewlekariya Hundirîn a Bakur û Rojhilatê Sûriyê bi daxuyaniyekê diyar kir ku 22 kesên tawanbar girtin.
Li gorî daxuyaniya Hêzên Ewlekariyê, roja duşemê 22 Îlon`ê, ev operasyon li kantona Tebqayê pêk hat, di encamê de ev çek û madeyên hişbirê hatin destserkirin:
4 klaşînkov, 28 cercûrên klaşînkovê, tivingek nêçîrê, 523 gule, rexta bombeyan, şûrek û xencerek.
Kîloyek û 6gram krîstal, kîloyek heşîş, 40 hebên tramadol, 92 hezar û 720 hebên Kaptagon.
Hêzên Ewlekariyê diyar kirin ku armanca wan parastina ewlehiya deverê ye.