Rayedarên Taywanê ragihandin ku Tofana Rajasa û rabûna lehiyekê bûye sedama hilweşîna pirekê û bendaveke xwezayî.
Her wiha rayedaran dan zanîn ku çend gundên nêzîkî bendavê di bin avê de mane û bi sedan sivîl li wir asê mane.
Berpirsê hikûmetê Lee Kuan-ting eşkere kir ku li rojhilata Taywanê ji ber lehiyê, 14 kesan jiyana xwe ji dest daye,18 kes jî birîndar bûn û 124 kesên din jî winda ne.
Hate diyarkirin ku tîmên rizgarkirinê zêdetirî 3 hezar kes ji bajarokên Guangfu, Fenglin û Wanrongê veguhastine cihên bi ewle.
Ji ber xeteriya rewşê çûyîn û hatin û seferên hewayî hatin sekinandin.
