Çavdêriya Mafên Mirovan a Sûriyê, dibêje awayê kuştina van 8 kesan ji hev cuda ye û derbarê hûrgûliyên van qurbaniyan de ev agahî parve kir:
“Li gundewarê Dêrazorê, ku di bin kontrola Hikûmeta Veguhêz a Sûriyê de ye, ciwanek ji ber teqîna mayînan birîndar bû.
Li gundewarên Idlibê û Helebê 2 kes ji aliyê çekdarekî nenas ve hatin kuştin.
Li gundewarên Tartûsê jî xortek hate kuştin..
Di êrîşa asmanî ya Îsraîlê de li gundewarê başûrê Şamê, endamekî Tugaya 44emîn a Artêşa Sûriyeyê, hat kuştin.
Welatiyekî dema ku hewl dida bi rêyên qaçaxçîtiyê derbasî axa Tirkiyê bibe, rojhilatê bajarê Kobanî, bi gulebarana rasterast a leşkerên sînor ên Tirkiyê (jendarmeyên) şehîd bû.
Termê 2 ciwanan li gundewarê Idlibê û li Şamê hatin dîtin.”
