Komîteya Amadekar a Sendîkaya Doktorên Sûdanê eşkere kir ku li herêma el-Cereîf a li rojhilatê Xartûmê, ji ber "Diphtheria"yê 3 kesan jiyana xwe ji dest da û 15 kesên din jî bi nexweşiyê ketine.
Doktorên Sûdanî destnîşan kirin ku nîşaneyên "Diphtheria"yê ev in: Êşa giran a qirikê, zehmetiya daqurtandinê, ta, bêhalî, werimîna di stû de û zehmetiya nefesgirtinê.
Doktorên Sûdanî hişiyarî dan ku paşguhkirina nexweşiyê dikare bibe sedema veguhestina bakteriyan di nav xwînê de û dibe sedema mirinê.
Her wekî din jî, ev nexweşî bi rêya kuxik an pişikandina kesekî nexweş, an amûrên cuda ên wekî fîncan, kevçî, destmalê yên ku ji aliyê nexweşekî ve tên bikaranîn, tê veguhestin.
Ev nexweşî bi riya qirêjbûna zêde weke qirêjbûna av û bedenê mirovan çêdibe.