25 partiyên siyasî yên Kurdî li Rojavayê Kurdistanê têkildarî pêvajoya hilbijartinên Meclisa Gel a Sûriyê daxuyaniyeke çapemeniyê da.
Ji bo Kurdan, ji 210 kursiyan, tenê 4 kursî derdikevin.
Ev jî bûye cihê nerazîbûnê ligel partiyên Kurdî û tekez dikin ku ew ê ji mafê xwe yê 40 kursiyan danekevin.
Necmedîn Umer: Dayîna mafên Kurdan ne minetî ye
Necmedîn Umer Sekreterê Giştî yê Partiya Şiyû'î ya Kurdistanî diyar dike ku Hikûmeta Veguhêz a Sûriyê li gorî xwe, bêyî ku li rewşa rastîn a ciyosiyasî ya Kurdan vegere, tevdigere.
Li gorî ku Meclisa Bilind a Hilbijartinan diyar kiriye; dê 9 kursî ji mafê Parêzgeha Hesekê bin.
Rayedarên hin partiyan dibêjin ku ji wan, tenê 4 ji Kurdan re ne, ji wan 2 ji PYD'ê re û 2 jî ji ENKS'ê re ne.
Ferhad Tîlo: Em hilbijartinan boykut nakin lê em beşdar nabin
Serokê Partiya Lîberal a Kurd li Sûriyê Ferhad Tîlo jî dibêje ku dema rêjeya Kurdan li Sûriyê zêdetirî ji sedî 20 be û tenê 4 kursî bo wan werin diyarkirin, wê demê ev bêwijdaniyeke mezin e.
Ferhad Tîlo tekez kir ku ew beşdarî hilbijartinan nabin.
