Îro li Îran û Rojhilatê Kurdistanê komek ji malnişînan ji ber xirabûna rewşa aboriyê xwepêşandan û meşên nerazîbûnê li dar xistin.
Xwepêşandan li parêzgehên Xozistan, Kirmanşan, Esfehan û Tehranê hatin lidarxistin.
Di van xwepêşandanan de, malnişînan li dijî bihayên bilind û enflasyonê, mûçeyên kêm, bêkarî û belavbûna xizaniyê nerazîbûna xwe nîşan da û daxwaza baştirkirina şert û mercên jiyan û xizmetguzariyê kir.
Her wiha xwepêşanderan li dijî fişar, girtin, binçavkirin û bidarvekirinan protesto kirin.
Di van demên dawiyê de, xwepêşandan li Îran û Rojhilatê Kurdistanê, ji ber heman sedeman bi rêjeyeke berbiçav zêde bûne.
© 2026 – NÛÇE TV Hemû maf parastî ne. Nûçe Rastî ye