Malpera Dengê Binçavkiriyên Kurd û Îranê ragihand ku çalakvanên Kurd, Nermîn Xuda Muradî, Hîkmet Seîdî û Kameran Resulî yên ku di Girtîgeha Sineyê de ne, li dijî binpêkirinên mafê mirovan beriya 4 rojan dest bi çalakiya gireva birçîbûnê kirine.
Li gorî malperê, dema girtinê ji bo her sê girtiyên Kurd hatiye dirêjkirin û ji mafên xwe yê hevdîtina bi malbatên xwe re hatine bêparkirin.
Malperê diyar kir ku çalakvanên Kurd beriya 2 mehan, ji aliyê hêzên Îstîxbarata Îranê ve bi biryara dadgehê hatibûn binçavkirin.
