Li Başûrê Kurdistan û Ewropayê salvegera 13'emîn Şoreşa Rojava bi çalakiyên cûr ber cûr hat pîrozkirin.
Salvegera şoreşa 19'ê Tirmehê li bajarê Silêmaniyê bi şahiyekê hate pîrozkirin.
Di şahî yê de li ser navê komîteya amadekar Mihemed Bekir anî ziman ku Rêveberiya Xweser a Demokratîk weke pergal wê ji pirsgirêk û pewistiyên Rojhilat Navîn re bibe bersiv.
ŞOREŞA ROJAVA LI VIYANAYÊ BI FESTÎVALÊ HATE PÎROZKIRIN
Li paytexta Awûstûrya Viyanayê bi organizasyona DEM-KURD, Defend Rojava û Koma Xwendekarên Kurd bi festîvaleke bi heybet Salvegera Şoreşa Rojava hat pîrozkirin
Di pîrozbahiyê de banga xwedîderketina berxwedana Siwêdayê jî mohra xwe li festîvalê xist.
Nûnera Defend Rojava Hêvîn di axaftina xwe de anî ziman ku Şoreşa 19'ê Tîrmehê şoreşa jinê ye.
LI PAYEXTA BELÇÎKA BRUKSELÊ 19’Ê TÎRMEHÊ BI ÇALAKIYEKÊ HATE PÎROZKIRIN
Li payxtexa Belçîka Brukselê jî sazî û rêxistinên Kurdistanî bi çalakiyek ev roja dîrokî pîroz kirin.
Di pîrozbahiyê de Nûnera Rêveberiya Xweser a Belçîkayê Arşem Ehmed axivî û got: Divê her kes xwedî li bîranîna şehîdan derkevin.
13’EMÎN SALVEGERA ŞOREŞA ROJAVA LI BREGENZÊ HAT PÎROZKIRIN
Li bajarê Bregenzê ê Awusturalyayê jî bi boneya salvegera Şoreşa 19'ê tirmehê çalakiyekê hat lidarxistinn.
LI MÎLANO SALVEGERA ŞOREŞA ROJAVA YA 19’Ê TÎRMEHÊ HAT PÎROZKIRIN
Bi pêşengiya Komeleya Konfederalîzma Demokratîk û Rete Jin Milano (Tora Piştgiriya Jinan) li bajarê Mîlano yê Îtalyayê çalakiya ku bi dehan Kurd û Îtalî beşdar bûn de paşeroj û siberoja Şoreşa Rojava hat nîqaşkirin.