Piştî ketina Rejîma Baasê li Sûriyê krîza peydakirina pêdiviyên jiyanî her roj zêdetir dibe. Ji ber aloziya gazê li paytexta Sûriyê Şamê bi sedan şênî li pêşiya cihê belavkirina gazê ya li taxa berza kom bûn.
Şênîyan ji ber bihabûna gazê nerazîbûna xwe anîn ziman.
Li gorî hate diyarkirin gaz tenê li bazara reş tê peydakirin.
Her wiha yê tê peydakirin jî buhayê wê gihaştiye 500 hezar lîreya Sûrî.
Têkildarî nebûna gazê çavkaniyên herêmî agahî dan ku Hikûmeta Veguhêz a Şamê tankên gazê ji Idlibê derbasî Tirkiyeyê dike.
Ev yek jî bûye sedem ku li Sûriyê aloziya peydakirina gazê li nav şêniyan zêde bibe.
© 2026 – NÛÇE TV Hemû maf parastî ne. Nûçe Rastî ye