Duh li Şamê, civînek di navbera şandeyek ji Partiya Yekîtiya Demokratîk (PYD) û Şandiyê Taybet ê NY’yê yê Sûriyeyê Geir Pedersen û Rêveberê Ofîsa Komîserê Bilind ê Mafên Mirovan Ebdullezîz Ebdullezîz hat lidarxistin.
Şandeya PYD’ê tekez kir ku divê zimanê nefret û kîndariyê neyê bikaranîn, ku di dema dawiyê de ji aliyê hin kes û saziyên girêdayî Şamê li dijî gelê Kurd û QSD’ê tê bikaranîn.
Endamên NY jî, dan xuya kirin ku ew gotinên nefretê red dikin, piştgiriyê didin hewldanên xurtkirina têkiliyan di navbera pêkhateyên Sûriyeyê û peymana 10’ê Adarê.
Tîma NY’yê diyar kir ku divê diyalogên navxweyî bidomin û Sûriyeya nû li ser bingeha edalet û wekheviyê were avakirin.
