Meş bi tevlîbûna bi dehan şêniyên ji pêkhateyên cuda û endamên Rêxistina Rêveberiya Xweser ji çarxereya Aştî heta çarxereya Hîzamê berdewam kir.
Li ser navê pêkhateyên Ereb Şêx Hesen El-Teyî anî ziman ku QSD`ê wê bi biratiya gelan Sûriyeke Demokratîk ava bike.
Her wiha Şêx Hesen El-Teyî diyar kir ku li Bakur û Rojhilatê Sûriyeyê hemû pêkhate di bin sîwana Rêveberiya xweser de jiyan dikin û hêza QSD`ê wan diparêze.
"Em ê hertim bi QSD`ê re bin"
Her wiha Şêx Hesen derbarê îdîayên ku pêkhateyên Ereb li dijî QSD'ê radibin jî wiha axivî:
"Me dît ku Ereb li Reqa, Minbic û Dêrazorê di bin parastina QSD`ê de ne û QSD ew ji destê çeteyên DAIŞ’ê yên hovane xilas kirin, wê çawa pêkhateyên Ereb li dijî QSD’ê rabin. Em ê her tim bi QSD`ê re bin."
