Serokê Mîsyona Rêxistina Navdewletî yê li Yemenê Ebdelsetar Îsweyf ji Associated Press`ê re, da zanîn ku keştiya ku 157 koçberên Etiyopî radikirin, roja yekşemê li parêzgeha Ebyenê li hember peravên Yemenê wergeriya û ket bin avê.
Îsweyf da zanîn ku tenê 12 kes zindî mane û termên 54 kesan bi pêlên avê re, gihiştibûn perava navçeya Xûnfir ya Yemenê û li cihekî din jî termên 14 kesan hatin dîtin.
Asayişa parêzgeha Ebyenê di daxuyaniyeke fermî de, diyar kir ku ji bo dîtin û derxistina termên koçberan hêzên wan di nav liv û tevgerê de ne.
AFPê jî li ser zimanê Polîsê Ebyenê da bû xuyakirin ku Keştî di qaçaxî gihiştibû nêzî peravên herêmê.
