Bûyereke nû ya ku weke cînayeta kar tê pênasekirin, vê carê li parêzgeha Mêrdînê qewimî. Li kargeheke ku dikeve navbera taxên bejahî yên Girherrîn û Goliyê yên ser bi navçeya Artûklûyê ve, qezayeke giran rû da. Li gorî agahiyên hatine bidestxistin, trafoya ku ji bo xebatên tesîsata elektrîkê anîbûn kargehê, ji nişka ve bi ser karkeran de ket.
Karkerê temenmezin Tahîr Çîçek ê 62 salî, di bin girseya trafoyê de ma û li cihê bûyerê jiyana xwe ji dest da. Piştî tespîtkirina mirina wî, cenazeyê Çîçek ji bo karûbarên otopsiyê rakirin morgê.
Piştî qedandina otopsiyê, malbata karker cenaze wergirt û li goristanê veşart. Li aliyê din, rayedaran ragihand ku têkildarî vê bûyerî lêpirsîneke fermî dest pê kiriye da ku sedema ketina trafoyê û kêmasiyên ewlehiyê werin ronîkirin.
