Dezgeha dadweriyê ya Îranê ragihand ku wan 6 kes bi îdiaya endamtiya komeke terorîst a cudaxwaz "ajanên Îsraîlê" darve kirine.
Ajansa nûçeyan a fermî ya Îranê eşkere kir ku ev kes, li xwe mikur hatine ku wan çend operasyonên xwînî plan kirine û pêk anîne.
Ajansê diyar kir ku ev kesên hatine darvekirin 4 endamên ewlehiyê kuştibûn û teqînek li parêzgeha Xuzistanê ya Îranê pêkanîbûn.
Li gorî ajansê, Navenda Agahdariya Dadwerîyê ragihand ku piştî temamkirina hemû pêngavên qanûnî û wergirtina erêkirina Dadgeha Bilind, cezayên darvekirinê li dijî van 6 kesan hatin bicihanîn.
