Li gorî rapora ku gihaye Saziya Mafê Mirovî ya Hengawê, roja Şemî 29'ê Mijdara 2025'an, sizayê darvekirina girtiyekî Lor ê bi navê Subhan Ceiferî, li girtîgeha navendî ya Xuremavayê hate bi cî kirin.
Ev girtî berê bi hinceta madeyên hişber hatibû girtin û Dezgeha Dadwerî ya Komara Îslamî ya Îranê ji bo wî cezayê darvekirinê dabû.
Di heman rojê de, girtiyekî Kurd ê bi navê Mihemedkerîm Muradî, li girtîgeha navendî ya Kirmaşanê hat darvekirin.
Ev girtî çar sal berî niha bi hinceta kuştina bi qest hatibû binçavkirin û ji aliyê Dezgeha Dadwerî ya Komara Îslamî ya Îranê ve bi darvekirinê hatibû sizadan.
Heta niha nûçeya darvekirina van her du girtiyan di medyayên hikûmetî û medyayên girêdayî Dezgeha Dadwerî de nehatiye belavkirin
