Duh êvarî komeke çekdar li taxa Dahiyet El Welîd a bajarê Humsê bi bombeyan êrişê malekê kirin.
Di êrîşê de jina ciwan a bi navê Rîham Nîzar Hemûd li cihê bûyerê bi giranî birîndar bû, piştre rakirin nexweşxaneyê lê tevî mudaxeleyên lezgîn jî nehat xilas kirin û jiyana xwe ji dest da. Jina bi navê Sara Mihemed Himêdûş jî bi giranî birîndar bû.
Hate ragihandin ku teqîn û êrîşên çekdarî yên di demên dawî de li herêmên cûda yên bajêr pêk tên, bertêkên li ser lawaziyên ewlehiyê û hedefgirtina sivîlan zêde dibe.
