Navenda Çavdêriya Mafên Mirovan a Sûriyê (SOHR) da diyarkirin dema ku malbatekê xwest ku vegere li ser erd û mala xwe ya li gundê Bîr Temeh ê girêdayî Girê Spî rastî êrîşeke çekdarî hat û ew ji zeviyên wan derxistin û gefên qetilkirinê li wan kirin.
Li gorî SOHR’ê, dema malbat gihîşt nava erdê xwe dît ku komeke çekdar erdê wan birine û ji xwe re çandine. Lê dema ku endamên wê malbatê daxwaza vegerandina erdê xwe kirin çekdaran êrîşî wan kirin.
SOHR’ê eşkere kir ku çekdaran li endamên malbatê da û ew birîndar kirin, gotinên nebaş û nexweş jî ji wan re kirin.
Her wiha SOHR’ê da zanîn ku çekdaran malbat bi gefa çekê û qetilkirinê ji herêmê qewitand û qedexe kir ku careke din nêzî mal û milkên xwe bibin.
