Wezareta Karûbarên Civakî û Geşepêdanê ya Fîlîpînê ragihand ku di êrîşeke çekdarî li dibistanekê li başûrê welêt de 6 xwendekar hatin kuştin û 17 xwendekar jî birîndar bûne.
Li dibistana neteweyî ya Banga ya başûrê Fîlîpînanê, îro êrîşeke çekdarî pêk hat.
Li gorî agahiyan, di encama gulebaranê de 6 xwendekar hatin kuştin, di nav wan de gumanbarê 16 salî yê êrîşê jî heye.
Piştî êrîşê, gumanbar çek li ser xwe vegerand û jiyana xwe ji dest da.
Her wiha, 17 xwendekarên din birîndar bûn û rewşa wan giran e.
Li gorî rayedarên herêmî, gumanbar berî êrîşê ji hevalên xwe re gotibû ku piştî nîvro dê plana xwe pêk bîne, lê hevalên wî gotina wî wekî henekê hesibandin.
© 2026 – NÛÇE TV Hemû maf parastî ne. Nûçe Rastî ye