Meşvan li Enqereyê ji aliyê endam, rêveberên sendîkayan û gelek kesan ve li pêşiya navenda giştî ya SES'ê hatin pêşwazîkirin.
Piştî pêşwazîkirinê meşvanan xwestin ber bi Wezareta Dadê ve bimeşin û daxuyaniyê bidin, lê ji aliyê polîsan ve, hatin astengkirin.
Meşvanan xwest bimeşin lê polîsan êrîşî wan kir. Li dijî êrîşê girseyê dest bi çalakiya rûniştinê kir.
Hevseroka Giştî ya KESK'ê Ayfer Kocak li vir axivî û diyar kir ku ev meş ji bo hiqûq û aştiyê ye û got: "Îro agirê me li vir pêxist, wê geş bibe û aştiyê bîne."
Paşê parlamenterên DEM Partî û CHPê hatin serdana meşvanan.
Meşvanan diyar kir ku meş wê pêşiya Meclisê berdewam bike.
