Li gorî SOHR'ê, çekdaran li gundê Rûtayê yê navçeya Mabata, bi ser mala welatiyekî 60 salî de girtine, destdirêjî li hevjîna wî kirine, pere û zêrên wan dizîne û piştre reviyane.
Hat zanîn ku xwediyê malê bi darê zorê hatibû koçberkirin û vê dawiyê vegeriyabû, da ku mala xwe nûjen bike û berhema xwe ya zeytûnan kom bike.
Her wiha SOHR'ê ragihand ku li gundê Çeqelê Comê yê navçeya Cindirêsê ya Efrînê, çekdaran li welatiyekî 50 salî û hevjîna wî xistibûn.
Çekdaran zêr, pere û telefonên wan dizîbûn û gefa kuştinê li wan xwaribû.
Li gorî çavkaniyên SOHR'ê, cilên fermî yên hêzên ewlehiya giştî yên hikûmeta veguhêz a Sûriyê li wan çekdaran bûn.
