Rêveberê Giştî yê Bazirganî û Pîşesaziyê yê Herêma Kurdistanê, Newzad Şêx Kamil, ragihand ku bi fermana serokwezîrê Hikûmeta Herêma Kurdistanê, Mesrûr Barzanî, hemû genimê cotkarên Kandenawe, Gower û Malaqara li sînorê Mexmûrê ji aliyê embarên genim ên Hewlêrê ve were wergirtin.
Newzad Şêx Kamil da zanîn ku zêdeyî 7,000 ton genim ji cotkarên van herêman hatiye wergirtin.
Her wiha got ku ji 12’ê hezîranê û vir ve, pêvajo pir baş diçe û amar wiha ne:
Li Hewlêrê 38 hezar û 73 ton, li Dihokê 35 hezar û 53 ton, li Silêmaniyê 37 hezar û 886 ton genim hatiye girtin.
Hat ragihandin ku tevahî genimê wergirtî 110 hezar û 223 ton û 570 kîlogram e.
Di dawiyê de, Şêx Kamil ji cotkaran re piştrast kir ku hikûmet hemû hewla xwe daye ku di zûtirîn dem de berhemên wan wergire û mafên wan bide.
