Pira ser rêya Pasûr û Mûşê ku ji aliyê Midûriyeta Giştî ya Rêbejahiyê (KGM) û Karên Avê ya Dewletê (DSÎ) tê çêkirin, di 11'ê mijdarê de hilweşiyabû.
Di hilweşînê de 5 karker di bin kavilan de mabûn û 4 karker jiyana xwe dest dabûn. Platforma Ked û Demokrasiyê ya Amedê ji bo wan karkeran hatin gel hev.
Platformê li ber Plazaya AZC'yê kom bû û bi daxuyaniyekê mirina karkeran şermezar kir. Hevseroka Sendikaya Kedkarên Buroyê (BES) Guneş Ozel li ser navê platformê wiha axivî: “Li ser vê axê her roj karker tên kuştin.
Kuştina karkerên Pasûrê ji wekî hemû bûyerên din ji ber xemsariyê ye. Tevî vê yêkê Wezîra Xizmeta Civakî û Malbatê hê jî bêdeng e. Em ê hesab ji rantxuran bipirsin.”
“Ji bo karkeran ewlehîyeke baş nehatiye girtin”
Ji aliyê din Odeya Endezyarên Înşaetê yê Şaxa Amedê jî li ser mirina karkeran cihê bûyerê lêkolîn kir û rapora xwe bi raya giştî re parve kir.
Li gor rapora odeyê, bûyera ku bû sedema mirina çar karkeran bi sedemên; “Ji bo karkeran ewlehiyeke baş nehatiye girtin, çavdêriya endezyariyê û berpirsiyariyên teknîkî bi têra xwe nehatine bicîhanîn” pêk hatiye.
