Duh, Komîteyê amadekar a Newrozê ragihand ku dê di 21’ê Adarê de li bajarên Dêrik, Amûdê û Girgê Legê yên herêma Cizîrê Newroz bê pîrozkirin.
Û li bajarên Qamişlo, Hesekê, Dirbêsiyê û Tirbespiyê pîrozbahî taloq bûn û dê di 24'ê Adarê de, Newroz bê pîrozkirin.
Pîrozbahî wê bi dirûşma "Em Newrozê bikin cejna Azadiya Rêber Apo û yekîtiya demokratîk a Kurdan" were pîrozkirin.
Şêniyên bajar û gundewarên Çilaxa û Girkê Legê dê îro li gundê Hilêq, şêniyên Dêrikê li qada Şehîd Çîçek, şêniyên Amûdê li gundê Çaxir Bazar û yên Kobanê dê li girê Miştenûr pîroz bikin.
Kurdên li Şamê jî dê îro Newrozê li herêma Meşrû Dumer-Staduyma Feyha- nêz Nexweşxaneya Dil pîroz bikin û şêniyên taxên Şêxmeqsûd û Eşrefiyê dê li herêma Şiqêf Newrozê pîroz bikin.
Komîteyê amadekar a Newrozê qad û dikên pîrozbahiyên bi al û sembolên kurdî xemilandine.
Newroza li Qamişlo, Hesekê, Dirbêsiyê, Tirbespiyê û Amûdê, dê 24ê mehê di saet 11.00'an de li cihên ku berê hatibûn diyarkirin wê were pîrozkirin.
