Li gorî agahiyan, komeke endamên Hêzên Ewlekariya Giştî ya Hikumeta Demkî derbasî hundirê erebeyên koçberan bûne û li telefonên wan mêze kirine û nasnameyên wan birine.
Ev karwan, berya 2 rojan ji Cizîrê derketibû û duh gihîştibû Efrînê.
Binçavkirina ciwanên Kurd bi vî rengî, binpêkirineke eşkere bo lihevkirina 29`ê Çileyê ye ku garantiya vegera ewle û bi rûmet ya koçberên Efrînê dike.
Li navçeya Cindirêsê ya Efrînê jî Hêzên Ewlekariya Giştî ji hin ciwanan xwestin ku serdasna navendên ewlekrariyê bikin.
Di heman çarçoveyê de Hêzên Ewlekariya Giştî, duh ciwanek li bajarê Efrînê berda.
Li gorî malpera Efrîn News 24, ev ciwanê ku 8 sal in ku ji Efrînê koçber bibû, piştî vegerê ji aliyê Hêzên Ewlekariya Giştî ve hatibû binçavkirin.
