Komeleya Bazirganên Genim a Qoserê li ser Kanala Avdanê ya Sereke ya GAP'ê, ku avê dide Mêrdînê, daxuyaniyek da.
Serokê Komeleyê Mehmet Şerîf Oter diyar kir ku ava ku di 30'ê hezîranê de ji Bendava Ataturkê hatibû berdan piştî heşt rojan hatiye qutkirin.
Oter destnîşan kir ku bi qasî milyonek berecot erdê çandiniyê niha bê av e û rave kir ku hilberîner jî ji ber lêçûnên zêde yên elektrîkê û qutbûna elektrîkê zehmetiyan dikişînin.
Oter, bang li rayedarên pêwendîdar kir û diyar kir ku eger pirsgirêk çareser nebe, ew ê bi endamên Parlamentoyê re bicivin û ger pêwîst be, dê li Enqerê xwepêşandanekê li dar bixin.
