Komîsyona Hevgirtina Neteweyî, Biratî û Demokrasiyê ya Parlamentoya Tirkiyeyê biryar da ku 1ê Kanûnê bicive.
Di civînê de dê nêrînên Rêberê PKKyê Abdullah Ocalan û girtînameyên hevdîtinê werin xwendin.
Li gor agahiyan, di civînê de girtînameyên ku nêrînên Ocalan tê de cih digirin dê bi endamên din ên komîsyonê re bên parvekirin.
Civîn hatibû paşxistin
Civîna komîsyonê ya ku li Parlamentoyê bi armanca Pêvajoya Çareseriyê hatibû avakirin û dihat plankirin roja çarşemê were lidarxistin, hat paşxistin.
Li gorî zanyariyan, ji ber bernameyên cuda yên Serokê Parlamentoyê Numan Kurtulmuş û endamên komîsyonê civîn hatiye paşxistin.
