Hevserokatiya Konseya Rêveber a KCK’ê di salvegera 10’an de êrîşa bombeyî ya ku 10’ê Cotmeha 2015’an li Mîtînga Ked, Aştî û Demokrasiyê pêk hatibû, bi daxuyaniyek nivîskî şermezar kir. KCK`ê eşkere kir ku ev komkujî yek ji bûyerên herî tarî ya di bin çavdêriya dewletê de pêk hatiye ye.
KCK`ê şehîdên komkujiyê bi bîranîn û got: “Em vê komkujiya namerdane ya li dijî îdeala gelan a xwişk-biratiyê, jiyana hevpar û demokratîk di salvegera 10’an de car din bi tundî şermezar dikin û kesên jiyana xwe ji dest dane bi rêzdarî bi bîr tînin
Kesên ji bo jiyana wekhevî û azadiyê ya gelan stranên aştî û xwişk-biratiyê dibêjin û govend digerînin, hîna ji destpêkê ve ew hêz têk birine wê hesreta wan teqez pêk were."
KCK: Ronî nekirin, yekser rola dewlet û desthilatdariyê nîşan dide
KCK`ê da zanîn ku tevî 10 sal di ser komkujiyê re derbasbune jî hîn nehatiye eşkerekirin û nirxandinên xwe wiha domand:
"Komkujî bi hemû aliyên xwe nehatiye ronîkirin, ev yek yekser rola dewletê û desthilatdariyê ya di komkujiyê de nîşan dide. Komkujiya ku bi destê DAÎŞ’ê pêk hatî nikare rola dewlet û desthilatdariyê veşêre. DAÎŞ di gelek êrîş û komkujiyan de hatiye bikaranîn. Di vê komkujiyê de jî bikaranînek heye."
KCK: Gelên me ruxmê bedelên giran jî dest ji tekoşînê berneda
KCK`ê di berdewamiya nirxandinên xwe de bal kişand ser zextên ku 10 salên dawiyê li ser gelê Kurd û hêzên demokratîk hatine meşandin û got:
"Zextan nekarî gelê Kurd û hêzên demokrasiyê yên Tirkiyeyê têk bibe, berovajî wê polîtîkayrên Tirkiye wî bi pirsgirêkên siyasî, civakî, aborî û dîplomatîk re rû bi rû hiştiye. Gelên me di van 10 salan de bedêlên giran dane lê belê dev ji têkoşîna demokrasî, azadî û aştiyê bernedan.
Di encama vê têkoşîn û berxwedanê de pêvajoya Aştî û Civaka Demokratîk a bi înîsiyatîfa Rêber Apo hat destpêkirin. Dema ku ev pêvajo gihîşt serkeftinê bedêlên giran ên ku şehîdên me bi dayîna canê xwe dane wê watedartir bibe."