Karwanê cenazeya fermandar Nûredîn Sofî ji morga Dêrikê tevî bi hezaran xelkê kantona Cizîrê û malbata wî beriya çend kêliyan ber bi Qamişloyê ve bi rê ket.
Ji vê sibehê ve, bi hezaran xelkê kantona Cizîrê bi hemû pêkhate, eşîr û mezhebên wê berê xwe da Morga Nexweşxaneya Wetenî ya Dêrikê, da ku cenazeyê şehîd Nûredîn Sofî veguhêzin bajarê Qamişloyê.
Bi sedan şênoyên Girkê Legê, Çilaxa û Tirbespiyê li ser rêyan li benda karwanê cenaze ne ku tev lê bibin û dûre tev li merasîmê bibin.
Piştî cenaze gihaşt Qamişloyê, dê li Stadyuma Şehîdên 12’ê Adarê saet di 17.00’an de merasîmeke girseyî bê çêkirin û piştre cenaze li Pakrewangeha Şehîd Delîl Saroxan bê definkirin.