Desteya Heşd Şebî, bîlançoya dawî ya qurbaniyên hêzên xwe ya ji destpêka şerê di navbera Amerîka-Îsraîl û Îranê de belav kir.
Li gorî bîlançoyê, ji 28’ê Sibatê heta 8’ê Nîsanê di pêvajoya şerê navbera Amerîka-Îsraîl û Îranê de, 80 çekdarên Heşd Şebî hatine kuştin û zêdetirî 270 çekdarên din jî birîndar bûne.
Baregeh û navendên Heşd Şebî yên li parêzgehên Îraqê, di dema şer de, hema hema rojane dihatin bombebarankirin.
Li gorî daxuyaniyên fermî yên Heşd Şebî û berpirs û siyasetmedarên Îraqî, piraniya êrîşan li parêzgehên Enbar, Nînowa û Babilê hatine pêkanîn û sûcdar jî Amerîka tê dîtin.
