Lijneya Giştî ya Parlamentoya Mezin a Tirkiyeyê (TBMM) îro ji bo nirxandina pêşnûme qanûna çarçoveyî ya ku di raya giştî de banga guhertineke mezin dike civiya. Tê payîn ku ev nîqaşên krîtîk heta saetên dereng ên şevê û heta sibehê berdewam bikin. Di dengdana ku dê pêk bê de, tevî ku partiyên wekî AKP, MHP, DEM Parti, Partiya Yenî (di bin serokatiya Ozgur Ozel de), Yenî Yol, Huda Par û CHP dengê "belê" bi kar bînin û tenê Partiya Yeniden Refah û İYİ Parti dengê "na" bidin jî, meriyetê bi şertê herî mezin ê tespîtkirina çekdanînê ve girêdayî ye.
Li gorî vê rêziknameyê, piştî ku saziyên ewlehiyê tespît bikin ku rêxistin û avahiyên girêdayî wê hebûna xwe ya fiîlî bi dawî anîne û çekên xwe teslîm kirine, biryara Lijneya Ewlehiya Neteweyî (MGK) dê di Rojnameya Fermî de were weşandin; ev pêvajoya tespîtê dê 2 mehan bikişîne û qanûn di meha cotmehê de bikeve meriyetê.
Di çarçoveya vê pênaseya hiqûqî de ku tawanên damezrandin, birêvebirin, endamgirtin, alîkarî, propaganda û fînansmana rêxistinê li xwe digire, doz û lêpirsînên ku cezayê wan ê jorîn 15 sal an kêmter e dê ji bo 5 salan, û yên ji 15 salan zêdetir an jî cezayê girtîgeha heta hetayê ne, dê ji bo 10 salan bên taloqkirin.
Lê belê, tawanên kuştina bi zanebûn ên di çarçoveya çalakiyên rêxistinê de û tawanên giran ên berî Hezîrana 2005’an hatine kirin li derveyî vê pêşnûmeyê hatine hiştin.
Pêvajoya cîbîcîkirina vê qanûna nû jî dê di bin serokatiya Cîgirê Serokkomar de û bi pişgiriya lijneyeke ji Wezîreta Dad, Karên Derve, Karên Hundir, Parastina Neteweyî, Sekreterê Giştî yê Serokkomariyê, Serokê MİT’ê û Sekreterê Giştî yê MGK’ê ve were şopandin.
her wiha "Komîsyona Şopandinê" ya ku dê di bin banê TBMM'ê de were sazkirin dê bi berdewamî parlamentoyê agahdar bike.
