Geşedana volkanê û alarma sor
li çiyayê Etna ku wekî volkana herî aktîf a parzemîna Ewropayê tê pejirandin, liv û tevgera volkanik gihîşt asteke xeternak.
Enstîtuya Jeofîzîk û Volkanolojî ya Neteweyî ya Îtalyayê (INGV) ragihand ku çiya di mîqdareke zêde de xwelî, dûman û kevirên sor (lav) avêtiye dervan. Ji ber xetereya mezin a li ser esmên, ji bo balafiran hişyariya "alarma sor" hate dayîn.
Herikîna lavê û bandora li ser balafirgehê
Teqînên herî dijwar li ser bacên Etnayê yên di bilindahiya 2750 - 2360 metre de pêk hatin. Ev teqîn dibin sedem ku qadên lafê yên pir berfireh li ser rûyê çiyê çêbibin.Ji ber ku ewrên xweliyê dîtina li ser esmên asteng dikin, rayedaran neçar man ku piştî nîvro geştên li Balafirgeha Katanyayê bi demkî rawestînin da ku ewlehiya geştan biparêzin.
