Berdevkê Polîsê Eyaleta Kebbiyê Beşîr Usman di daxuyaniyek nivîskî de got ku li 8 gundên herêma Shanga ya Eyaleta Kebbî êrîşên çekdarî pêkhat di encamê de 44 kes hatin kuştin û gelek jî birîndar bûn.
Ji bo pêşîgirtina li êrîşên bi vî rengî, Usman tekez kir ku rayedar, polîs û yekîneyên din ên sûcên tundûtûjî operasyonek paqijkirinê ya berfireh li eyaletê dane destpêkirin.
Her wiha Komîserê Polîsê yê Eyaleta Kebbî Umer Hacîa bang li niştecihên herêmê kir ku hişyar û yekgirtî bimînin.
Nîjerya demek dirêj e li deverên cuda yên welêt bi êrîşên komên çekdar, bi taybet jî bi êrîşên rêxistinên terorîst a Boko Haram û mîlê DAÎŞ yê rojava ISWAP re rû bi rû dimîne.
Beriya du rojan li herêma Shiroro ya Eyaleta Nîgerê di êrîşên çekdarî de 20 kes hatin kuştin.
