Li Silêmaniyê, ji bo Endamê Desteya Hevserokatiya PYD'ê Salih Muslim, konê sersaxiyê hat danîn.
Konê Sersaxiyê li Mizgefta Qazî Mihemed a li Silêmaniyê hat lidarxistin û bi dehan welatparêz, kesayetên siyasî û partî beşdarî şînê bûn.
Cîgirê Serokê Herêma Kurdistanê, Cefer Şêx Mistefa di bin konê sersaxiyê de wiha got:
"Salih Muslim rêberekî mezin ê gelê me bû, şehadeta wî di nav rêzên civaka me de, valahiyeke mezin çêkir."
Her wiha li Mizgefta Qazî Mihemed a li navçeya Ranyayê, ser bi îdareya Raperînê ve konê sersaxiyê ji bo Salih Muslim hate danîn.
Li derveyî welêt, li paytexta Siwêdê, Stockholmê jî bi tevlîbûna sedan kes, ji bo Salih Muslim bernameyeke bîranînê hat lidarxistin.
Di bîranînê de, li ser navê NCDK'ê û PYD'ê yên Skandînavyayê axaftin hat kirin.
Hevserokê NCDK'ê, peyama Rêberê PKK'ê Abdullah Ocalan a ji bo wefata Salih Muslim şandibû, xwend.
Piştre sînevîzyonek ku li ser jiyan û têkoşîna siyasî ya Salih Muslim hatibû amadekirin, hat temaşekirin.
Peyamên Hevserokê PYD'ê û hevjîna Salih Muslim Eyşe Efendî jî, bi rêya sinevîzyonê hatin parvekirin.
Endamê Desteya Hevserokatiya PYD'ê Salih Muslim 11'ê Adarê li nexweşxaneyeke bajarê Hewlêrê, ji ber nexweşiya gurçikê jiyana xwe ji dest dabû.
