Şandeya Amerîkî ya dan û standinan ji Pakistanê vegeriya welatê xwe.
Cîgirê serokê Amerîkayê JD Vance ragihand ku ew bi Îranê re negihîştin lihevkirinê.
JD Vance diyar kir ku piştî 21 saetan ji dan û standinan Îranê şertên Amerîkayê qebûl nekirin, di nav de jî berhemanîna çekên nukleerî.
Vance got:
"nûçeya xerab ew e ku em negihîştin lihevkirinê, ji ber wê em dizîvirin Amerîkayê, me xêzên xwe yên sor pir zelal kirin.
Divê em pabendbûneke xurt ji wan bibînin ku ew ê hewil nedin bibin xwedî çekên nukleerî û dê alavên vê yekê jî bi dest nexin. Ev aramanca sereke ya serokê Amerîkayê ye."
Îran: Normal e piştî tenê yek civînê em negihêjin lihevkirinê
Ji aliyê xwe ve Îranê ragihand ku heta niha ew negihiştine ti lihevkirinê û ev yek tiştekî normal e piştî tenê yek civînê.
Wezareta Derve ya Îranê eşkere kir ku Tehranê dosyayên nû di gel Amerîkayê de nîqaş kirin, mîna Tengava Hurmizê.
Li gorî Wezaretê, Tehranê bi Waşingtonê re li ser hin xalan li hev kirine, lê li ser gelekan jî nakok bûn.
Pakistanê banga pabendîbûna bi agirbestê kir
Wezîrê Karên Derve yê Pakistanê bang li Waşington û Tehranê kir ku pabendî lihevkirina rawestandina şer bibin, tevî binketina dan û standinan.
Îshaq Dar, tekez kir ku welatê wî dê di rojên bê de jî bi rola xwe rabe da beşdarî diyaloga di navbera Îran û Amerîkayê de hêsan bike.
