Îro di êrîşa Îsraîlê ya li ser Xezeyê de 15 kes ku 9 ji wan alîkarî digirtin hatin kuştin.
Her wiha ji ber dorpêça Îsraîlê li ser Xezeyê, hejmara kesên ku ji ber birçîbûnê dimirin zêde dibin.
Tevî van rûdanan, hewildanên agirbesta li ser Xezeyê berdewam dikin.
Di nav 2 hefteyan de wê rêkeftinek ji bo Xezeyê pêk were
Ajansa Nûçeyan a Îsraîlê ragihand ku danûstandin di navbera Hemes û rayedarên Îsrîlê de berdewam dikin û wê di nav 2 hefteyan de rêkeftinek ji bo agirbestê li Şerîda Xezeyê pêk bê.
Ajansê diyar kir ku danûstandin cara yekem li ser bidawîanîna şer disekinin.
Ev yek bi zextên berdewam ên malbatên girtiyên Îsraîlî li ser hikûmetê re hevdem bû ku peymanekê çêbike.