Îro, berpirsê ragihandinê yê Wezareta Veguhastinê yê Îraqê, Meysem Safî ragihand ku hikûmetê tîmên teknîkî erkdar kirine ku vekirina hin beşên qada hewayî ya Îraqê lêkolîn bikin.
Meysem Safî, bal kişand ser sedema girtina asmanê welatê xwe û got:
"Ev biryar wekî "tedbîreke xweparastinê" ji ber şer û geşedanên leşkerî yên li herêmê diqewimin, hatiye girtin.
Ev pêngav ji bo parastina jiyana geştiyaran û kompanyayên firokevaniyê hatiye avêtin.
Ev yek ji bo kêmkirina ziyanên aborî yên girtina asmanê Îraqê û vegerandina jiyana asayî ya sektorê pir girîng e."
