Rêxistina Mafên Mirovan a HRANA’yê, rapora 24 saetên dawî ya taybet bi şerê di navbera Amerîka-Îsraîl û Îranê de parve kir.
Da zanîn ku li 18 parêzgehên Rojhilatê Kurdistan û Îranê nêzî 360 êrîş pêk hatine.
HRANA’yê, dest nîşan kir ku 35 baregehên leşkerî, baregehên Supaya Pasdaran, navendên hêza Besîc, balafirgehên leşkerî, navendên polîsan, depoyên neftê û jêrxanên enerjiya atomî yên Îranê hatine hedefgirtin.
Di encama êrîşan de 17 welatiyên sivîl jiyana xwe ji dest dane û 8 sivîl jî birîndar bûne.
Li gor Rêxistina Mafên Mirovan ji 28`ê sibatê û heya niha li seranserî Îranê hezar û 568 sivîl hatine kuştin.
