Komê her wiha gef xwar ku piştî 1ê Cotmehê firokeyên biyanî li esmanê Îraqê bikin armanc û dergehên sînorî bigirin.
Berpirsê Ewlehiyê yê Ketîbeyên Hizbullahê Ebo Mucahid Esaf ragihand ku di çarçoveya vekişîna hêzên Amerîka û NATO'yê de ku biryar e roja Çarşemê (30ê Îlonê) bi fermî bê ragihandin, heke hikûmeta Elî Zeydî parastina serweriya welat neke, ew ê serî li rêkarên tund bidin da ku hikûmetê birûxînin.
Esaf diyar kir ku ji 1ê Cotmehê pê ve ew ê esmanê Îraqê biparêzin, firokeyên biyanî bikin armanc û di egera berdewambûna dorpêça li ser Îranê de jî dê dergehên sînorî yên bi welatên hevkar re bigirin.
Zextên vê koma tund a di bin sîwana Heşda Şeibî de, kabîneya Zeydî di qonaxa piştî vekişîna hêzên navneteweyî de rûbirûyî qeyraneke kûr û metirsiyeke mezin a ewlehiyê kiriye.
