Aloziya di navbera her du aliyan de piştî ku hikûmeta Îraqê dest bi qeydkirin û kontrolkirina çekên komên mîlîs kir, derket lûtkeyê. Koma çekdar a Hizbullah a Îraqê ev pêngav red kir û ragihand ku heta şertên wan neyên cih, ew dest nadin çekên xwe. Şertên ku komê raber kirine ev in: derketina tam a hêzên Amerîka û Tirkiyeyê ji Iraqê, hilweşandin û bêçekkirina hemû hêzên Pêşmerge û radestkirina ewlehiya sînoran ji bo artêşa federal a Iraqê.
Komê hişyarî da Serokwezîr ku polîtîkayên wî dikarin bibin sedema pevçûnên navxweyî û tekez kir ku çekên wan ji bo parastina welat in.
