Serokê Komîteya Bilind a Hilbijartinan a Parlamentoya Sûriyeyê Taha El Ehmed ragihand ku parlamentoya nû dê ji 210 endaman pêk bê û wê serokê demkî yê Sûriyeyê Ehmed El-Şeri 70 endaman destnîşan bike û 140 endamên din jî bi rêya komîteyên şaxî tên hilbijartin.
El Ehmed diyar kir ku ev komîteyên şaxî wê ji hêla Komîteya Bilind a Hilbijartinan ve werin hilbijartin û ev komîteya bilind ji kesên nêzî Ehmed El-Şeri hatiye avakirin.
Li Sûriyeyê tevî nebûna qanûna hilbijartinan wê hilbijartin çêbibe
Li gorî destûra ku Ehmed El Şeri derxistiye, parlamentoya erkdarkirî dikare pêşinyarên qanûnî bike û biguherîne, peymanên navneteweyî îmze bike, budçeya giştî û efûya giştî derxe holê.
