Hikûmeta Veguhêz a Sûriyê duh êvarê, 26 Îlonê, rêya di navbera Heleb û Reqayê de ya nêzî Dêr Hafirê li rojhilatê Helebê girt.
Girtina rê bi awayekî neyênî bandorê li ser tevgera şêniyan û bazirganiyê di navbera navenda bajarê Helebê û herêmên Rêveberiya Xweser de dike.
Hevseroka Meclisa Sivîl a Dêr Hafirê Meha El Xelef got ku bi sedan rêwiyên li benda derbasbûnê mabûn, neçar man vegerin.
Heya niha jî, tu daxuyanî ji aliyê berpirsên Hikûmeta Veguhêz a Sûriyê ve derbarê sedema girtina rê de nehatiye dayîn.
