Fermandariya Hêzên Parêzvanên Niştîmanî yên Siweydayê bi daxuyaniyekê ragihand ku komên çekdarên girêdayî Hikûmeta Veguhêz a Sûriyeyê "binpêkirineke eşkere" li Siweydayê kirine û wiha got:
"Çeteyên terorîst ên girêdayî Şamê bi dronan hewl da êrîşeke tirsonek li dijî sivîlan bi pêk bînin û aramiya li hundirê herêmên ewle têk bibin."
Di daxuyaniyê de hat destnîşankirin ku ev binpêkirin israra êrîşê ya wan aliyan nîşan dide û wiha anî ziman:
"Desthilat ji bilî zimanê texrîbkirinê, wêranî û êrişa dijî sivîlan zimanek din nizane."
Fermandariyê Hêzên Parêzvanên Niştîmanî yên Siweydayê di dawiya daxuyaniyê de wiha axivî:
"Hêzên me ji bo şer amade ne û bi rêya pergalên şopandin û bersivdanê tavilê hewa û bejahiyê dişopînin û çi binpêkirin an jî gef werin kirin dê bersivên tund bên dayîn."
