Fermandariya Navendî ya Amerîkayê ragihand ku di êrîşê de serçeteyê DAIŞ'ê yê bi navê Diyaa Zoba Muslih El Herdanî û kurên wî Abdullah û Abdulrahman El Herdanî, hatin kuştin.
Li gorî daxuyaniya Fermandariya Navendî, di operasyonê de ti ziyan li sivîlan nebûye.
Fermandarê Fermandariya Navendî ya Amerîkayê Michael Erik Kurilla diyar kir li her devera ku DAIŞ lê hebe ew ê wan bişopînin.
Her wiha diyar kir ku ev operasyon beşek ji şerê berdewam ê li dijî DAIŞ`ê ye.
Kurilla tekez kir ku Amerîkayê, bi hevkariya hevalbendên xwe yên li herêmê, wê armanca diyarkirî ya jiholêrakirina DAIŞ`ê û pêşîgirtina li gefên wê yên li herêmê dê bidomîne.